पाेखरा ८, पुष । गण्डकी बोर्डिङ स्कुलको भूतपूर्व विद्यार्थी संगठन “एग्बोसा” ले, संस्थाको १५औँ साधारणसभा तथा अधिवेशन शनिबार सम्पन्न गरेको छ । संस्थाका अध्यक्ष प्रधुम्न केसीको सभापतित्वम एवं गण्डकी बोर्डिङ स्कुलका प्राचार्य डा. विश्व युधिर पौडेल घर्तीको विशिष्ट अतिथ्यतामा सभा सम्पन्न भएको हो ।
कार्यक्रममा संस्थाका कोषाध्यक्ष सिए उभेक कुमार श्रेष्ठले संस्थाको आर्थिक प्रतिवेदन र संस्थाका सचिव रवि चन्द्र गुरुङले सचिवको प्रतिवेदन पेश गरेका थिए । उक्त प्रतिवेदन सभाबाट सर्वसम्मतले पारित भएको थियोे । सभाले ऐतिहासिक “एग्बोसा विधान–२०४८” उपर प्रस्ताव गरिएको पुनरलिखित विधान “एग्बोसा विधान–२०८१” पारित गरेको छ ।
कार्यक्रम २ सत्रमा गरिएको थियो भने पहिलो सत्रमा १५औँ साधारणसभा, र दोश्रो सत्रमा अधिवेशन रहेको थियो । उक्त साधारण सभाको संचालन संस्थाका सह सचिव ई.संजय भण्डारीले गरेका थिए भने संस्थाकी उपाध्यक्ष माधवी नेपाल थापाले स्वागत मन्तव्य प्रस्तुत गरेकी थिइन ।
संस्थाका अग्रणी सदस्य विष्णु देव पराईको संयोजकत्वमा सदस्यहरु डा.पविन थापा र नारायण बराल सहित गठन भएको तीन सदस्यीय निर्वाचन समितिले अधिवेशनका चरणबद्द कार्यहरु सम्पन्न गरेका थिए । उक्त अधिवेशनबाट प्रधुम्न के.सी.को अध्यक्षतामा १३ सदस्सीय कार्य समिति सर्वसम्मत निर्वाचित भएका छन ।
कार्यक्रममा सहभागी भई कार्यक्रम भव्य रुपमा सफल बनाइदिनु भएकोमा सम्पूर्ण उपस्थित गण्डकियन परिवारप्रति आयोजक समितिको तर्फबाट अध्यक्षले हार्दिक कृतज्ञता जाहेर गरी सभा समापन भएको थियो ।
देशकै विकासमा विभिन्न स्थान अनि ओहोदामा रही दक्ष जनशक्ति मार्फत उल्लेखनिय भूमिका खेल्दै आएको यस संस्थाले गण्डकी बोर्डिङ स्कुलका भूतपूर्व विद्यार्थीलाई सहज रुपमा जोडिन विशेष अनुरोध समेत गरेको छ। नयाँ सदस्यताको फारम अनलाईन माध्यमद्वारा संस्थाको आधिकारिक वेवसाइट www.egbosa.org.np मा उपलब्ध हुने व्यवस्था रहेको बताइएको छ ।
