Message From the Founding President

मुलुकको विभिन्न कुना कुनाबाट ज्ञानको ज्योती ग्रहण गर्न गण्डकी बोर्डिङ प्रवेश गरेसँगै धेरैको जीवनले नयाँ गोरेटो समात्ने गरेको सजिलै देख्न सकिन्छ । गण्डकी वोर्डिङले हामीलाई औपचारिक ज्ञान मात्रै दिएन जीवन कसरी जिउने, जीवनलाई कसरी सरल बनाउने, आपसी मित्रता र सदभाव कसरी कायम गर्ने, पारस्परिकता, सहयोग र समन्वयको व्यवाहरिक ज्ञान समेत दिलायो । मातृसंस्थाको उन्नती, प्रगती र विकासमा त्यसबाट दिक्षित भएका हामी सवै सशभागी हुन पाउँदा खुशी हुन सक्नु आफैमा गौरवको विषय हो ।

गण्डकी वोर्डिङका भुतपूर्व विद्यार्थीहरुको साझा चौतारी एग्वोसाको सुरुवात विशिष्ट लक्ष्य र उद्देश्यका साथ नभएपनि यसको विकास र विस्तारसँगै आप्mनो मार्ग निर्धारण गरिसकेको छ । वि.स. २०४२ सालमा काठमाण्डौमा रहँदा एउटा भाडाको कोठाबाट परिकल्पना गरिएको एग्वोसा अहिले नेपालमा मात्रै नभै विश्वका विभिन्न राष्ट्रहरुमा पुगेको जानकारी सवैमाझ साट्न पाँउदा खुशिले ठाउ नै छोडेको महशुस हुने गर्दछ । प्रारम्भमा अनौपचारिक रुपमा स्थापना भएको एग्वोसाले औपचारिकता पाउन केही समय भने लागेको छ ।

३५ वर्षको दौरानमा एग्वोसा पोखराका साथै काठमाण्डौ, चितवन, हुँदै अष्टे«लिया, हङकङ, लण्डन, अमेरिका, क्यानाडामा रहेका गण्डकी वोर्डिङका पूर्व विद्यार्थीहरुलाई गोलवद्ध गर्न सफल भएको छ । मुलुक भित्र र बाहिर छरिएर रहेका एग्वोसाका विभिन्न शाखाहरुलाई एकिकृत गर्नकै लागि एग्वोसा काउन्सिलको समेत निर्माण भईसकेको छ ।

अनौपचारिक रुपमा क्रियाशिल रहेको एग्वोसालाई संस्थागत गर्दै मातृ विद्यालयको समेत संलग्नता र स्विकृतीमा औपचारिक ढंगले स्थापित गराउने श्रेय श्रद्धेय दाजु सरुभक्त लाई जान्छ । सरुभक्त दाजुको क्रियाशिलता र नेतृत्व नभएको भए सायद एग्वोसा यो स्थानसम्म आईपुग्ने थिएन होला । विद्यालय र विद्यालय बाहिर रहँदा प्राप्त ज्ञान, सिप, अनुभव र बिचारलाई एकआपसमा साटासाट गर्दै विद्यालय, समाज र सिंगो राष्ट्रहितको पवित्र लक्ष्यका साथ अगाडी वढिरहेको एग्वोसालाई सधैं क्रियाशिल र हितकारी बनाउने जिम्मेवारी हामी सम्पूर्ण भुतपूर्व विद्यार्थीहरुको काँधमा रहेको छ ।

विभिन्न कालखण्डमा एग्वोसाले विभिन्न आरोह अवरोह पार गर्दै अगाडी वढेको छ । जस्तोसुकै कठिन र जटिल अवस्थामा पनि एग्वोसाले समाज कल्याणका विषयलाई आत्मसाथ गर्दै आएको छ । विद्यालयका हरेक क्रियाकलापमा सक्रिया सहभागी हुने, विद्यालयको सर्वोपरी विकासमा विभिन्न ढंगले योगदान दिनुको साथै २०७२ को विनासकारी भुकम्प, २०७४ सालको वाढी र २०७६/०७७ को कोरोना महामारीमा एग्वोसाले आफुलाई सहयोगी संस्थाको रुपमा स्थापित गराउन सफल भएको छ ।

एग्वोसा गण्डकी वोर्डिङका भुतपूर्व विद्यार्थीका बिच र हामी रहेको समाजमा उत्तिकै रुपमा क्रियाशिल राखिराख्नु हामी सवैको कर्तव्य हो । एग्वोसाले हामीहरुलाई एकतावद्ध गर्दै नयाँ नयाँ ज्ञान, सिप, बिचार र अनुभवको समेत जन्म गराईरहने हुँदा यसको थप क्रियाशिलताको आवश्यकता वढ्दै गएको छ । हामीले विद्यालयमा विताएका हरेक पल, विद्यालयले हामिलाई प्रदान गरेको न्यानो माया र हामीहरु बिचको आत्मियताले अझ प्रगाढ र उच्चता प्राप्त गर्नेछ भन्ने विश्वास गण्डकी वोर्डिङका सम्पूर्ण भुतपूर्व विद्यार्थी, विद्यालय परिवार र आम शुभचिन्तकमा व्यक्त गर्न चाहन्छु ।

जय एग्वोसा !
प्रा. डा. रवीन्द्र प्रसाद श्रेष्ठ
पोखरा